ಹೊನ್ನಾವರ: ದೀನ್‍ದಯಾಳ್ ಉಪಾಧ್ಯಾಯ ಗ್ರಾಮೀಣ ಕೌಶಲ್ಯ ಯೋಜನೆಯಡಿಯಲ್ಲಿ ತಾಲೂಕಿನ ನಿರುದ್ಯೋಗಿ ಯುವಕ ಯುವತಿಯರಿಗಾಗಿ ಆಪ್ತ ಸಮಾಲೋಚನೆ ಮತ್ತು ಉದ್ಯೋಗ ಮೇಳವನ್ನು ಜೂನ್ 20 ರಂದು ಬೆಳಿಗ್ಗೆ 10 ಗಂಟೆಗೆ ಪಟ್ಟಣದ ಶರಾವತಿ ಕಲಾಮಂದಿರದಲ್ಲಿ ಆಯೋಜಿಸಲಾಗಿದೆ.
ಈ ಯೋಜನೆಯಲ್ಲಿ ಆಟೋಮೊಬೈಲ್, ಬ್ಯಾಂಕಿಂಗ್/ವಿಮೆ, ಕೆಮಿಕಲ್ಸ ಮತ್ತು ಪ್ಯಾರಾಮೆಡಿಕಲ್ಸ, ಎಲೆಕ್ಟ್ರಾನಿಕ್ಸ, ಹಾರ್ಡವೇರ್, ಆರೋಗ್ಯ ಸೇವೆಗಳು, ಬಿಪಿಓ, ಪ್ರವಾಸೋದ್ಯಮ ಇತ್ಯಾದಿ ಕ್ಷೇತ್ರಗಳ ತರಬೇತಿಯನ್ನು ಉಚಿತವಾಗಿ ನೀಡಲಾಗುತ್ತದೆ. ಈ ಉದ್ಯೋಗ ಮೇಳದಲ್ಲಿ ಸರಕಾರದಿಂದ ಗುರುತಿಸಿದ ಸಂಸ್ಥೆಗಳು ಹಾಜರಿದ್ದು ಆಪ್ತ ಸಮಾಲೋಚನೆಯ ಮೂಲಕ ಮಾಹಿತಿ ಒದಗಿಸಲಿವೆ. ಇದರ ಪ್ರಯೋಜನವನ್ನು ತಾಲೂಕಿನ ಯುವಜನತೆ ಪಡೆದುಕೊಳ್ಳಬೇಕೆಂದು ಹೊನ್ನಾವರ ತಾಲೂಕಾ ಪಂಚಾಯತ ಕಾರ್ಯನಿರ್ವಾಹಕ ಅಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.